Yaşadığı evi tərk edən COVID xəstəsi aşkarlandı

Şabran rayon sakini Ş.Balabəyova COVID-19 infeksiyası testinin pozitiv nəticəsinə görə ev şəraitində müalicə təyin edilsə də, lakin adı çəkilən şəxs karantin qaydalarını pozaraq yaşayış yerini tərk edib.

Daxili İşlər Nazirliyinin Mətbuat Xidmətinin Quba regional qrupundan Anews.az-a verilən məlumata görə, polis şöbəsinin əməkdaşları tərəfindən özünütəcrid qaydaları pozan və sakinlərin sağlamlığı üçün ciddi təhlükə yaradan Ş.Balabəyovun törətdiyi qanunazidd hərəkətinin qarşısı dərhal alınaraq, tibbi prosedurlar gözlənilməklə yaşadığı ünvana qaytarılıb və tam sağalanadək evdən çıxmaması barədə ciddi xəbərdarlıq edilib.