Bakı-London xüsusi reyslərinin başlanma tarixi dəyişdi

"Azərbaycan Hava Yolları" aviaşirkəti (AZAL) London şəhərinə reysləri iyun ayından başlayaraq yerinə yetirəcək.


AZAL-ın mətbuat xidmətindən verilən məlumata görə, şirkətin Bakı-London-Bakı marşrutu üzrə xüsusi reyslərinin yerinə yetirilməsinin başlanma tarixi iyun ayının əvvəlinə keçirilir.
⠀
Bu tədbir qeyd edilən istiqamətdə uçuşlara tələbatın aşağı səviyyədə olması ilə əlaqədardır.
⠀
Daha əvvəl bu istiqamətdə uçuşların may ayından etibarən başlanması nəzərdə tutulmuşdu.
⠀
Həmin reyslərə aviabiletlər alan sərnişinlər aviabiletləri başqa tarixə dəyişə və ya cərimə tətbiq edilmədən geri qaytara bilər.
⠀
AZAL aviabiletlər www.azal.az saytında onlayn alındığı təqdirdə [email protected] elektron poçtu vasitəsilə aviaşirkətin çağrı mərkəzinə, yaxud aviabiletin alındığı kassaya müraciət etməyi xahiş edir.