Bayram Məmmədovun ölümü ilə bağlı YENİ TƏFƏRRÜATLAR
05.05.2021 16:23
Cəmiyyətdə "heykəl məhbusu” kimi tanınan Bayram Məmmədovun ölümünə səbəb onun dənizə düşmüş ayaqqabısını çıxarmaq üçün suya tullanması ola bilər, bunu Türkiyə polis əməkdaşlarından biri hazırda İstanbulda yaşayan və Bayram Məmmədovun dostu olan Elgiz Qəhrəmana bildirib.
"Polisin bizə verdiyi məlumata görə, Bayramın başmağı suya düşüb, onu çıxarmaq üçün suya tullanıb və üzüb. Sahil güvənliyi fit çalıb, onu geri çağırıb amma Bayam geri qayıtmayıb və boğulub”, - deyə Elgiz Qəhrəman Anews.az-a bidirib.
Bayram Məmmədov bir müddət idi ki, Türkiyədə yaşayırdı. Yaxınları onun Avropada təhsil almağa hazırlaşdığını deyirlər.
Onun ölümü barədə məlumat mayın 4-də, gecə saatlarında yayılıb.
Elgiz Qəhrəmanın sözlərinə görə, hazırda Bayram Məmmədovun nəşi İstanbul Tibbi Ekspertizasındadır.
Hadisə İstanbulun Kadıköyü Moda sahili adlanan ərazisində baş verib.
Bayram Məmmədov "Heykəl məhbusu" kimi tanınıb və İlham Əliyevin 2019-cu ilin martında, Novruz bayramı öncəsi imzaladığı əfv sərəncamı ilə azadlığa çıxıb.
O, 2016-cı ildə siyasi fəal Qiyas İbrahimovla birlikdə, mərhum Prezident Heydər Əliyevin heykəlinə "Qul bayramınız mübarək" şüarı yazdıqdan sonra həbs edilib.
Ona narkotik dövriyyəsi ilə bağlı maddə üzrə ittiham elan edilib 10 il həbs cəzası verilib.
Bayram Məmmədov rəsmi ittihamı rədd edirdi.
O, 2016-cı ildə siyasi fəal Qiyas İbrahimovla birlikdə, mərhum Prezident Heydər Əliyevin heykəlinə "Qul bayramınız mübarək" şüarı yazdıqdan sonra həbs edilib.
Ona narkotik dövriyyəsi ilə bağlı maddə üzrə ittiham elan edilib 10 il həbs cəzası verilib.
Bayram Məmmədov rəsmi ittihamı rədd edirdi.
Samirə Əli
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
