Tıxaclarda itirilən vaxt bir ildə 12 faiz artıb - hesabat

2025-ci il şəhərlərdə sürücülər il ərzində tıxaclarda orta hesabla 118 saat itiriblər. Bu, 2024-cü illə müqayisədə 12 faiz çoxdur.

Ötən il İstanbul tıxaclara görə dünyada ilk yerdə qərarlaşıb.

Hesabat dünyanın 900-dən çox şəhərini əhatə edir.

INRIX-in 2025 Global Traffic Scorecard hesabatı 36 ölkədə nəqliyyatın vəziyyətini, sürücülərin yolda itirdiyi vaxtı və tıxacların iqtisadi təsirlərini təhlil edir.

Hesabata əsasən, araşdırılan şəhər ərazilərinin 62 faizində tıxac səbəbindən yaranan gecikmələr əvvəlki illə müqayisədə artıb. 26 faizində azalma qeydə alınıb, 12 faizində isə ciddi dəyişiklik olmayıb.

İlk beşlikdə Türkiyə, Meksika və ABŞ şəhərləri yer alıb. ABŞ isə siyahıda üç şəhərlə təmsil olunub.

Hesabatda tıxacların yalnız vaxt itkisinə deyil, yanacaq sərfiyyatına və iqtisadi məhsuldarlığa da mənfi təsir göstərdiyi vurğulanır. Sürücülərin yolda itirdiyi vaxtın iqtisadi dəyəri də hesablanır.

INRIX-in məlumatına görə, ABŞ-da sürücülər 2025-ci ildə tıxaclara görə orta hesabla 49 saat itiriblər. Böyük Britaniyada bu göstərici 59 saat, Almaniyada isə 47 saat olub.

INRIX hər il Qlobal Nəqliyyat Hesabatı hazırlayır. Araşdırmada nəqliyyat vasitələrinin hərəkəti və şəhərdaxili gediş-gəliş məlumatları əsasında tıxacların səviyyəsi, gecikmələr və onların iqtisadi nəticələri qiymətləndirilir.