Bu avtomobillər Bakı Olimpiya Stadionuna buraxılmayacaq - RƏSMİ

"Müəyyən avtomobillər var ki, onların stadion ərazisinə daxil olmasına icazə veriləcək. Həmin avtomobillər oyunların təşkili və keçirilməsi ilə əlaqədar ayrı-ayrı qonaqları daşıyacaqlar”.
 
Bunu DİN Mətbuat xidmətinin şöbə rəisi, polis mayoru Elşad Hacıyev "Real" TV-yə müsahibəsində deyib.
 
Onun sözlərinə görə, həmin avtomobillər yaradılan mühafizə, təhlükəsizlik tədbirləri ilə bağlı bir neçə yoxlamalardan keçiriləcək: "Daha sonra isə onların stadion ərazisində daxil olmasına icazə veriləcək”.
 
DİN rəsmisi qeyd edib ki, Bakı Olimpiya Stadionu (BOS) istiqamətinə gələn, eləcə də oyun ərəfəsində bu istiqamətdə küçə və prospektlər boyu avtomobillərin hərəkəti məhdudlaşdırılacaq: "Məqsəd piyadaların, azarkeşlərin stadiona təhlükəsiz şəkildə daxil olmasına şəraitin yaradılmasıdır”.


www.anews.az