• $
  • €
  • ₽
  • ₺
  • £

ABŞ Azərbaycana 1 milyon dollar ayırıb

ABŞ Azərbaycana 1 milyon dollar ayırıb
02.07.2021 12:01
Bu gün ABŞ-ın Azərbaycandakı səfiri Li Litzenberger Şamaxıda üç səyyar klinikanın təhvil verilməsində iştirak edib. Həmin səyyar klinikalar ucqar və həssas icmalarda mühüm səhiyyə xidmətləri göstərəcəklər. Səyyar klinikalar Şamaxı və onun ətraf kəndlərində hər il minlərlə insana xidmət edərək qarşısı alına biləcək xəstəkliklərin erkən diqanozuna, ucqar yerlərdə müalicənin əlçatanlığına və həyatları xilas etməyə kömək edəcək. Səyyar klinikalar Ümumdünya Səhiyyə Təşkilatının (ÜST) Azərbaycandakı nümayəndəliyinin icra etdiyi PROACT-Qayğı layihəsi çərçivəsində ABŞ Beynəlxalq İnkişaf Agentliyinin (USAID) və Böyük Britaniyanın Azərbaycandakı səfirliyinin maliyyə dəstəyi ilə alınıb.
 
Səfər zamanı səfir Litzenberger həmçinin elan edib ki, Amerika Birləşmiş Ştatları USAID vasitəsilə Azərbaycan hökumətinin COVID-19 pandemiyası ilə mübarizə səylərinə dəstək məqsədilə əlavə 1 milyon ABŞ dolları miqdarında vəsait ayırıb.
 
Sözügedən əlavə vəsait Ümumdünya Səhiyyə Təşkilatına (ÜST) və Beynəlxalq Qızıl Xac və Qızıl Aypara Cəmiyyətləri Federasiyasına (BQXQAC) verilib. ÜST hal-hazırda davam edən PROACT-Qayğı layihəsini genişləndirərək ilkin səhiyyə xidmətləri müəssisələrində infeksiyaların qarşısı alınması səylərini təkmilləşdirəcək və onlar tərəfindən əsas səhiyyə (qeyri-COVID) xidmətlərinin davamlı göstərilməsi bacarıqlarını artıracaq. Azərbaycan Qızıl Aypara Cəmiyyəti ilə əməkdaşlıq şəraitində BQXQAC koronavirusun yayılmasının qarşısını almaq məqsədilə həssas icmalarda infeksiyaların qarşısı alınması təcrübələrinin aşılanmasına kömək edəcək, habelə pandemiyanın səbəb olduğu çətinliklərin öhdəsindən gəlmək üçün psixoloji yardım göstərəcək.
 
ABŞ-ın Azərbaycandakı səfiri Li Litzenberqer bəyan edib ki, "Amerika Birləşmiş Ştatları çətin dövrlə üzləşdiyimiz bir zamanda Azərbaycana davamlı dəstək göstərməkdə sadiq qalır. Yalnız əl-ələ çalışmaqla biz COVID-19-a qalib gələ bilərik.”
 
Həmin əlavə vəsait də daxil olmaqla Amerika Birləşmiş Ştatları COVID-19 pandemiyasının dərhal üzə çıxan və uzunmüddətli səhiyyə və iqtisadi təsirlərinə Azərbaycanın cavab tədbirlərini dəstəkləmək üçün artıq 6,6 milyon dollar vəsait ayırıb. Bu vəsait 1,300 səhiyyə işçisinin infeksiyaların profilaktikası və onlara nəzarət; səhiyyə müəssisələrin daxilində risklərə dair məlumatlılıq və risk kommunikasiya tədbirləri; Bakı və bölgələrdə 16,000-dən çox ailəyə (təqribən 80,000 şəxsə) qida və gigiyenik əşyalardan ibarət yardım; habelə virusun yayılmasının qarşısını almaq məqsədilə preventiv tədbirlərə dair 3 milyondan artıq insanı əhatə edən geniş kommunikasiya tədbirlərinə ayrılıb.
 
Son iyirmi il ərzində ABŞ qlobal səhiyyə tədbirlərinə 140 milyon ABŞ dollarından artıq yardım ayırıb. USAID-in pandemiya ilə mübarizə səyləri haqqında ətraflı məlumat üçün bu keçidə daxil olun https://www.usaid.gov/coronavirus. 

www.anews.az
Youtube
Keçid et
Oxşar xəbərlər
Oxşar xəbərlər
Sabah hava meteohəssas insanlar üçün əlverişsiz olacaq
Cəmiyyət 18:06
Sabah hava meteohəssas insanlar üçün əlverişsiz olacaq
Magistral yollarda görünüş məsafəsi məhdudlaşacaq
Cəmiyyət 17:43
Magistral yollarda görünüş məsafəsi məhdudlaşacaq
Gəncədə yol qəzası baş verib, xəsarət alanlar var
Cəmiyyət 13:30
Gəncədə yol qəzası baş verib, xəsarət alanlar var
Sabah Bakıya yağış, dağlıq ərazilərə qar yağacaq
Cəmiyyət 12:38
Sabah Bakıya yağış, dağlıq ərazilərə qar yağacaq
Azərbaycan vətəndaşlarının İordaniyaya vizasız rejimi tətbiq edilib
Cəmiyyət 12:01
Azərbaycan vətəndaşlarının İordaniyaya vizasız rejimi tətbiq edilib
Astarada yol qəzası nəticəsində qaz xətti zədələnib, beş kənddə qaz kəsilib
Cəmiyyət 11:45
Astarada yol qəzası nəticəsində qaz xətti zədələnib, beş kənddə qaz kəsilib
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Cəmiyyət 10:59
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Qazaxda iki nəfər bıçaqlanıb
Cəmiyyət 10:54
Qazaxda iki nəfər bıçaqlanıb
İranda 4,5 maqnitudalı zəlzələ baş verib, Naxçıvanda hiss olunub
Cəmiyyət 10:00
İranda 4,5 maqnitudalı zəlzələ baş verib, Naxçıvanda hiss olunub
Anews TV

Rəsmi Youtube kanalımız

Abunə ol