COVID pasportu müddətsizdir - 3-cü doza yalnız bu şəxslərə vurulacaq

İyulun 2-də Azərbaycanın səhiyyə qurumları açıqladı ki, vaksinin hər iki dozasını vurduran şəxslər COVID pasportunun müddətinin uzadılması üçün 6 ay sonra üçüncü dozanı da qəbul etməlidirlər.


"Peyvənd sertifikatı”nın etibarlılıq müddəti nə qədərdir və üçüncü doza məcburidirmi?


Anews.az xəbər verir ki, Səhiyyə Nazirliyi, İcbari Tibbi Sığorta üzrə Dövlət Agentliyi və TƏBİB bu gün açıqlayıb ki, "Peyvənd sertifikatı” müddətsizdir: "Dünyada COVID-19 əleyhinə vaksinasiyadan sonra yaranan immun cavabın dayanıqlılığı və müddəti istiqamətində elmi tədqiqatlar davam etdirilir. Aparılan tədqiqatların nəticələri açıqlandıqdan, ÜST və digər beynəlxalq səhiyyə qurumlarının tövsiyələri məlum olduqdan sonra bu məsələyə yenidən baxılacaq.


Buster qüvvətləndirici doza deməkdir. 2-ci dozadan 6 ay keçdikdən sonra yüksək risk qrupuna daxil olanlara (tibb işçiləri, yaşı 60-dan yuxarı olan şəxslər, autoimmun xəstəlikləri olan şəxslər) 3-cü doza (buster) vaksin vurulması məqsədəuyğun hesab olunur.


Tədqiqatlara görə qüvvətləndirici doza kimi istənilən vaksin növü istifadə oluna bilər. Əvvəl qəbul etdiyiniz 2 dozadan asılı olmayaraq, ya eyni növ, ya da digər bir vaksin 3-cü (buster) doza kimi qəbul oluna bilər.

www.anews.az