"Rəsulzadə və 4-cü hakimiyyət" kitabının təqdimat mərasimi keçirilib
23.07.2021 20:00
Bu gün gənc yazar Ağarza Həsənquliyevin "Rəsulzadə və 4-cü hakimiyyət" kitabının təqdimat mərasimi keçirilib.
Təqdimatda Məhəmməd Əmin Rəsulzadənin nəvəsi Rais Rəsulzadə, Məhəmməd Əmin Rəsulzadə ensiklopediyasının müəllifi, Tarix elmləri doktoru, professor Nəsiman Yaqublu, Bakı Dövlət Universitetinin müəllimləri Afaq Ağayarova, Samirə Həsənli və bir sıra media nümayəndələri iştirak edib. Kitabda AXC qurucusu Məhəmməd Əmin Rəsulzadə və onun Azərbaycan mətbuatına bəxş etdiyi töhfələrdən bəhs edilib. Həmçinin sözügedən kitabda Məhəmməd Əmin Rəsulzadənin "Mətbuat Azadlığı" məqaləsi fərqli dillərdə öz əksini tapıb.
www.anews.az
Anews.az xəbər verir ki, təqdimat mərasimi "Azərkitab” kitab mağazasında baş tutub.
Ağarza Elçin oğlu Həsənquliyev Bakı Dövlət Universitetinin Jurnalistika fakültəsinin 4-cü kurs tələbəsidir. "Rəsulzadə və 4-cü hakimiyyət" kitabı gənc yazarın ikinci kitabıdır. Bundan öncə onun "Hər yan xatirədir" şeir kitabı işıq üzü görüb.
Ağarza Həsənquliyev təqdimatda Məhəmməd Əmin Rəsulzadə haqqında araşdırmalarının davamlı olacağını bildirdi.
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Foto
Video
