Səhiyyə nazirinin gətirdiyi rəqəmlər Operayiv Qərargahın statistikasına uyöun gəlmir

"Biz digər ölkələrə baxanda heç də peyvəndi inkar edən ölkələr sırasında deyilik”.

"Qafqazinfo” xəbər verir ki, bu barədə səhiyyə nazirinin birinci müavini Teymur Musayev "Real TV"də yayımlanan "Mir Şahinin vaxtı” verilişinə müsahibəsində deyib.

"Reanimasiya şöbələrində dünyasını dəyişən insanların ölümündə həmin insanların məsuliyyəti və əli var. Bu, bir cinayətdir”.

 

T.Musayevin sözlərinə görə, indiyədək əhalinin 35%-i tam (hər iki dozu alıb-red.) peyvəndlənib:

"60-70 faizə yaxınlaşsaq, yoluxmanın sürətinin qarşısını alacağıq. Hazırda xəstəxanalara yerləşdirilənlərin 96 faizi peyvənd almayan insanlardır. Reanimasiyada yatanların 98 faizi peyvənd olunmayanlardır. Hətta peyvənd olunub reanimasiyaya düşənləri də təhlil edirik. Neqativ hallar da baş verir – saxta COVID pasportu, peyvənd sertifikatı əldə edən insanlar olub. Onların arasında onlar da var. Tam əminliklə deyə bilərəm ki, peyvənd olunanların heç biri reanimasiyada süni tənəffüs aparatına qoşulmayıb”.

 

Nazirlər Kabineti yanında yaradılmış Operativ Qərargahın  məlumatına görə, Azərbaycanda 22 avqust 2021-ci ilə 2,457.233 nəfər ikinci doz vaksin olunub. Bu da əhalinin 25% edir. Bir doz vaksin edənlər isə cəmi vaksin olunanların 37%-ni təşkil edir.