Maştağada saxta COVİD pasportu düzəldən həkimlər saxlanıldı

Maştağa qəsəbəsində yerləşən "7 №-li Birləşmiş Şəhər Xəstəxanası” PHŞ-də "COVİD-19” əleyhinə aparılmış vaksinasiya prosesi zamanı qanunsuzluqlara yol verilməsi barədə məlumat daxil olub. Bu barədə prokurorluqdan bildirilib.

 

Məlumata görə, daxil olmuş materiallar əsasında rayon prokurorluğunda araşdırma aparılıb.

Araşdırmalarla ilə qeyd olunan xəstəxananın vəzifəli şəxslərinin öz səlahiyyətlərindən sui-istifadə edərək bir neçə şəxsə vaksin vurulmadığı halda vaksin olunmaları ilə bağlı rəsmi sənədlərə müvafiq qeydlər etməklə həmin məlumatların elektron məlumat bazasına yerləşdirmələri müəyyən edilib.

 Fakta görə Sabunçu rayon prokurorluğunda Cinayət Məcəlləsinin 308.1 (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə cinayət işi başlanılıb.