Əli Həsənov: “İnsan vəzifədən çıxanda yaddan çıxır”

 “Mən tədbir başlayanda Laçın rayon İcra Hakimiyyətinin başçısı Akif Səlimovdan soruşdum ki, rayonun əvvəlki icra başçısı tədbirə dəvət olunubmu? Dedi ki, yox. Mən bunu qüsur sayıram”.APA-nın verdiyi məlumata görə, bunu Laçın rayonunun işğalının 22-ci ildönümü ilə bağlı keçirilən tədbirdə baş nazirin müavini, Qaçqın və Məcburi Köçkünlərin Məcburi İşləri üzrə Dövlət Komitəsinin sədri Əli Həsənov söyləyib.Ə.Həsənov deyib ki, insan vəzifədən çıxanda yaddan çıxır: “Belə olmaz. Vəzifə müvəqqəti, insanlıq daimidir. Bu insanlar müəyyən dövrdə çalışıblar, heç kəsi yaddan çıxarmaq olmaz. Belə tədbirlərə əvvəllər çalışmış insanlar dəvət etmək lazımdır ki, onlar özlərini pis hesab etməsinlər. Bizim üçün vəzifə məgər daimidir? Bu elementi daim nəzərə almalıyıq. Bu, ölkədəki qüsurdur, aradan qaldırmalıyıq”.ANN.Az