ATƏT-in Minsk Qrupu Azərbaycanın erməni hərbçini azad etməsini alqışladı
08.10.2021 22:41
Bu gün ATƏT-in Minsk Qrupunun həmsədrləri - ABŞ-dan Endryu Şafer, Fransadan Stefan Viskonti və Rusiyadan İqor Xovayev bəyanat yayıblar.
Anews.az məlumatına görə, bəyanatda bildirilib ki, oktyabrın 7 və 8-də Cenevrədə BMT-nin Qaçqınlar üzrə Ali Komissarı Filippo Qrandi və Beynəlxalq Qırmızı Xaç Komitəsinin (BQXK) vitse-prezidenti Qilles Karbonnierlə məsləhətləşmələr aparılıb.
Bildirilib ki, BMT Baş Assambleyasının iclasları çərçivəsində Ermənistan və Azərbaycan xarici işlər nazirlərinin son görüşü konstruktiv keçib.
Bundan başqa, həmsədrlər Azərbaycanın bir erməni hərbçini azad etməsini alqışlayıblar, eləcə də, mümkün deeskalasiya və humanitar tədbirləri müzakirə ediblər.
Qeyd olunub ki, köçkünlərin könüllü olaraq geri qaytarılması da gündəmdə olub.
Həmsədrlər tərəflərlə işləmək niyyətlərini vurğulayıblar.
Həmçinin, Azərbaycan Prezidenti İlham Əliyevin və Ermənistan Baş naziri Nikol Paşinyanın həmsədrlərin itirakı ilə görüşə hazır olduqlarını bildirdikləri açıq bəyanatlarını müsbət qiymətləndiriblər.
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Foto
Video
