Gəncədə yanğın - Ata və övladları yanaraq öldü

Gəncənin Kəpəz rayonunda  ümumi sahəsi 160 m² olan birmərtəbəli 4 otaqlı evin yanar konstruksiyaları yanıb. Yanğının kəşfiyyatı zamanı 31 yaşlı  Bahəddin Məmmədov Qəşəm oğlu, 14 yaşlı  Turqay Məmmədov Bahəddin oğlu və 9 yaşlı  Mələk Məmmədova Bahəddin qızının meyitləri aşkar olunaraq aidiyyəti üzrə təhvil verilib.

 

Bu barədə Fövqəladə Hallar Nazirliyinin (FHN) "112" qaynar telefon xəttinə məlumat daxil olub.

FHN-dən bildirilib ki,  məlumat qəbul edilən kimi nazirliyin Dövlət Yanğından Mühafizə Xidmətinin yanğından mühafizə bölmələri çağırış üzrə cəlb olunub. İlk yanğınsöndürmə avtomobili saat 04:27-də hadisə yerinə çatıb və dərhal yanğının söndürülməsi işlərinə başlanılıb.

Yaxınlıqdakı tikililər yanğından mühafizə olunub. Yanğın yanğından mühafizə bölmələri tərəfindən söndürülüb.