İşğaldan azad edilmiş ərazidə ağacların əkilməsinə başlanılıb

"Yaşıl marafon çərçivəsində ərazisində Bakı və Abşeron yarımadası da daxil olmaqla ümumilikdə 400 minə yaxın ağac əkilib və payız-qış mövsümündə daha 800 min ağacın əkilməsi nəzərdə tutulub. Xocahəsən, Müşfiqabad qəsəbəsində, Bakı-Sumqayıt yolunun üzərində, şimal qərb, şimal və cənub istiqamətindəki yolların üzərində və digər ərazilərdə boş sahələrdə ağacların əkilməsi nəzərdə tutulub. Bundan başqa meşə-bərpa işləri həyata keçiriləcək və seyrəkləşmiş ərazilər ağaclarla  bunu ekologiya və təbii sərvətlər nazirinin müavini Vüqar Kərimov bildirib.

O deyib ki, işğaldan azad edilmiş ərazilərdə 100 hektara yaxın sahədə ağac əkilməsi nəzərdə tutulub: 

"32 hektar Zəngilan, 40 hektar Cəbrayıl, 20 hektar türkiyəli qardaşlarımızla salınacaq dostluq parkında, 10 hektar Ağdamda və digər ərazilərdə ağaclar əkiləcək. Nəzərdə tutulmuş ərazinin 60 hektarında bu payız əkin mövsümündə əkiləcək. İşğaldan azad edilmiş ərazilərdə hara giriş imkanımız var, həmin ərazilərdə bu işləri həyata keçiririk”.

V. Kərimov bildirib ki, bütün tinglər nazirliyin ting təsərrüfatlarında yetişdirilib. Meşələrə uyğun növlər seçilir. Abşeronda həmişəyaşıl ağaclar və həmişəyaşıl meyvə ağacları əkilir. 


www.anews.az