Bloqer Saməddin Məmmədov niyə həbs edilib? - DİN-dən açıqlama
31.10.2021 15:30
Sosial şəbəkələrdə Vətən Müharibəsi iştirakçısı Nahid Məmmədov atası Saməddin Məmmədovun saxlanıldığını, ondan xəbər ala bilmədiklərini deyib. O iddia edib ki, atası bloqer fəaliyyətinə və siyasi baxışına görə tutulub. N.Məmmədov onu da əlavə edib ki, özü də polis şöbəsində zorakılığa məruz qalıb.
"Sosial şəbəkələrdəki bəzi səhifələrdə Cəlilabad rayon sakini, özünü bloqer kimi kimi təqdim edən Saməddin Məmmədovun qərəzli səbəblərdən həbs edilməsi ilə bağlı uydurma iddialar paylaşılıb. Bu iddiaların heç bir əsası yoxdur.
Belə ki, S.Məmmədov, oğlu N.Məmmədov və bacısı oğlu E.Məmmədovla birlikdə sentyabrın 27-də Cəlilabad rayonundakı Şəhidlər Xiyabanının qarşısında rayon sakini E.Cəfərova qarşı heç bir əsaslı səbəb olmadan xuliqanlıq hərəkətləri törədiblər, S.Məmmədov isə bu zaman E.Cəfərovu vuraraq ona bədən xəsarəti yetirib”, - DİN rəsmisi qeyd edib.
"S.Məmmədov barəsində Cəlilabad Rayon Məhkəməsinin qərarı ilə həbs-qətimkan tədbiri seçilib. Oktyabrın 30-da isə S.Məmmədovun şəxsi əşyalarını və idarə etdiyi nəqliyyat vasitəsini təhvil almaqdan ötrü oğlu N.Məmmədov və anası Cəlilabad Rayon Polis Şöbəsinə gəliblər. Bu zaman şöbə rəhbərliyi tərəfindən qəbul ediliblər və onları maraqlandıran suallar barədə məlumat verilib. N.Məmmədova qarşı heç bir fiziki güc və ya zor tətbiq edilməyib. İddialar əsassızdır və həqiqəti əks etdirmir”.
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Foto
Video
