İşsizliyə görə sığorta ödənişi niyə azalır?

Hesablama Palatası işsizliyə görə sığorta ödənişi üzrə nəzərdə tutulmuş vəsaitin məbləğinin cari illə müqayisədə nəzərəçarpacaq dərəcədə az proqnozlaşdırılmasını müvafiq rəylərdə qeyd edilənlər diqqətə alınaraq, mövcud meyllərin nəzərə alınması ilə bağlı olduğu, həmçinin əhatəliliyin genişləndirilməsi məqsədilə qanunvericiliyə edilmiş dəyikliklərin vəsaitlərin icra səviyyəsinə əsaslı təsir göstərmədiyi qənaətindədir.

Bu məsələlər Hesablama Palatasının rəyində öz əksini tapıb.

Palatanın rəyinə görə, 2022-ci ildə işsizliyə görə sığorta ödənişləri üzrə təyinat 8,5 mln. manat müəyyən edilib ki, bu da həmin ildə əhalinin məşğulluğunun təmin edilməsi üçün nəzərdə tutulan tədbirlərin həyata keçirilməsi üçün proqnozlaşdırılan vəsaitin 8,0%-ni, bütövlükdə isə Fondun xərclərinin 4,7%-ni təşkil edir.

Növbəti ildə işsizliyə görə sığorta ödənişinin maliyyələşdirilməsi üçün proqnozlaşdırılan təyinat 2020-ci ilin icra göstəricisindən 6,6 mln. manat və ya 28,9% çox, cari ilin təsdiq edilmiş proqnoz göstəricindən isə 4,5 mln. manat və ya 34,6% azdır.
www.anews.az