Həftənin ilk iş günü Bakıda havanın temperaturu 32 dərəcəyədək yüksələcək

cHəftənin ilk iş günü Bakıda havanın temperaturu 32 dərəcəyədək yüksələcək.

Bu barədə Trend-ə Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosundan məlumat verilib.

Məlumata görə, mayın 12-də Bakı və Abşeron yarımadasında havanın dəyişkən buludlu olacağı, əsasən yağmursuz keçəcəyi, axşam buludluluğun artacağı gözlənilir.

Bakı və Abşeron yarımadasında havanın temperaturu gecə 16-20, gündüz 27-32 dərəcə isti olacaq.

Azərbaycanın rayonlarında hava əsasən yağmursuz olacaq. Lakin gecə və axşam bəzi yerlərdə şimşək çaxacağı, qısamüddətli yağış yağacağı ehtimalı var.

Aran rayonlarında havanın temperaturu gecə 13-18, gündüz 27-32, dağlarda gecə 9-14, gündüz 22-27 dərəcə isti olacağı gözlənilir.

Trend