Bağçalara dair vahid məlumat bazası yaradılacaq

Məktəbəqədər təhsilə dair vahid məlumat bazası yaradılacaq, bunu təhsil naziri Emin Əmrullayev ölkə başçısının dünən təhsillə bağlı imzaladığı sərəncamlara dair brifinqdə bildirib.

 

Nazirin sözlərinə görə, məktəbəqədər təhsil müəssisələrində də elektron sistemin tətbiqi mümkündür.

 "Qısa zamanda bu müəssisələrin məlumat bazaları toplanacaq. Vahid bazanın olması bizə müəllim və uşaqlarla bağlı daha dəqiq məlumat almağa imkan verəcək. Paralel olaraq daha çox özəl və alternativ məktəbəqədər təhsil müəssisələrin sayının artırılması məsələsinə baxılacaq. Hazırda 85 faiz uşaq məktəbəqədər hazırlığa cəlb olunub. Bu, Azərbaycan təhsilinin əsas uğurlarından biridir”, - deyə o bildirib.