Narkotik çəkib maşın sürərkən qəza törətdi

Narkotik vasitənin təsiri altında qəza törədərək 4 avtomobilə xəsarət yetirən şəxs həbs olunub, bu barədə Daxili İşlər Nazirliyinin mətbuat xidmətindən məlumat verilib. 

 

Cəlilabad sakini Elvin Hüseynov sürücülük vəsiqəsi və etibarnamə olmadan idarə etdiyi tanışına məxsus "VAZ- 2105” markalı avtomobillə Cəlilabad şəhəri ərazisində yol nəqliyyat hadisəsi törədib. Nəticədə daha 3 nəqliyyat vasitəsinin - "VAZ 21154”, "VAZ 21063” və "Mercedes-Benz” markalı avtomobillər zədələnib.

Hüseynov müvafiq tibbi müayinədən keçirildikdə onun narkotik vasitədən istifadə etdiyi müəyyən olunub.