Abşeronda polislər qəzaya düşüb - YENİLƏNİB

Abşeronun Masazır qəsəbəsində baş verən qəzada xəsarət alanların polis serjantları olduğu məlum olub. 

 

Xəsarət alan  Rza Məmmədov və Elmir Həsənli hər ikisi Abşeron Rayon Polis İdarəsinin Post Patrul Xidmətinin əməkdaşlarıdır.

 

****

 

Abşeronun Masazır qəsəbəsində avtomobil qəzası baş verib.

 

Hadisə Əliağa Vahid küçəsində baş verib. Rza Məmmədov idarə etdiyi "Toyota” markalı avtomobillə yüksək sürətlə hərəkətdə olub. O, sükana nəzarəti itirərək nəqliyyat vasitəsini əvvəlcə rabitə qovşağına, daha sonra işıqfora çırpıb. İşıqfor və rabitə qovşağı sıradan çıxaraq yararsız hala düşüb.İdarəetmədən çıxan avtomobil isə aşıb. Qəza nəticəsində sürücü R.Məmmədov və sərnişin Elmir Həsənli ağır xəsarət alaraq avtomobilin salonunda sıxışıb qalıb. Əraziyə gələn FHN-in Xüsusi Riskli Xilasetmə Xidmətinin əməkdaşları hər iki yaralını xüsusi texnika ilə salondan çıxararaq Təcili Tibbi Yardım Xidmətinə təhvil verib. Rza Məmmədovun çiyni sınıb, Elmir Həsənlidə  aldığı zərbələrdən daxili qanaxma olub.