Cəlilabadda qəza - Ölənlər artıb - YENİLƏNDİ

Cəlilabadda dəhşətli qəzada ölənlərin sayı 3-ə çatıb. 

Hadisə köhnə Ələt-Astara avtomobil yolunun 148 km-də, Cəlilabadın Göytəpə şəhərindən keçən hissəsində qeydə alınıb.

Astara istiqamətində olan "BMW" markalı minik avtomobili qarşı istiqamətdə hərəkət edən "VAZ 2107" markalı minik avtomobili ilə toqquşub. Daha sonra zərbənin təsirindən "VAZ 2107" markalı minik avtomobili əks istiqamətdən gələn "Atika" markalı yük avtomobilinə çırpılıb.

Qəza nəticəsində 3 nəfər, Cəlilabad rayonunun Maşlıq kənd sakinləri - Tural Adıgözəlov İntiqam oğlu, Mürsəl Quliyev Alim oğlu və Qorxmaz İsmayılzadə Rahim oğlu hadisə yerində ölüb. Həmçinin  həmin kənd sakinləri - 25 yaşlı Kamran Vəlizadə İbadulla oğlu, 64 yaşlı Hacıbala Şahbazov Balabəy oğlu, 28 yaşlı Cahid Eyvazov Təbiət oğlu və Cəlilabad şəhər sakini, 40 yaşlı İsmayılov Balasər Həsən oğlu isə xəstəxanaya yerləşdirilib. Ölən şəxslərin "VAZ 2107" də olduğu bildirilir. 

Faktla bağlı araşdırma aparılır.

*****

Cəlilabadda yol qəzası baş verib.

Hadisə rayonun Göytəpə şəhəri ərazisində qeydə alınıb.

Yaralılar xəstəxanaya çatdırılıb.