BDU-dan tələbələrə XƏBƏRDARLIQ

Bakı Dövlət Universiteti (BDU) COVİD-19 pandemiyası çərçivəsində hyata keçirilən vaksinasiya ilə bağlı  tələbə və əməkdaşlarına  müraciət edib. Müraciət  BDU-nun rəsmi saytında yerləşdirilib.  

"Azərbaycan Respublikası Nazirlər Kabinetinin 2021-ci il 30 dekabr tarixli qərarı ilə "COVID-19 xəstəliyinə qarşı peyvənd olunmanı, peyvəndləməyə əks göstərişi, neqativ PZR test nəticəsini əks etdirən və COVID-19 xəstəliyinə yoluxmuş şəxslərin sağalaraq immunitetə malik olmalarını təsdiq edən sertifikatların tanınması Qaydası”nda edilən dəyişikliyə əsasən, 2022-ci il 15 fevral tarixindən COVID-19-a qarşı peyvəndin 2-ci dozasının üzərindən 6 ay keçmiş yaşı 18-dən yuxarı şəxslərin "Peyvənd sertifikatı” etibarlı hesab edilməyəcək.

Həmin tarixdən etibarən yaşı 18-dən yuxarı olan tələbələrin, həmçinin əməkdaşların 3-cü doza peyvənd sertifikatının və ya immunitetə malik olmanı təsdiqləyən sənədin, yaxud COVID-19-a qarşı əks-göstəriş sertifikatının olması tələb edilir", deyə müraciətdə bildirilib.

www.anews.az