Bakıda Ukraynaya dəstək aksiyası KEÇİRİLİB
25.02.2022 17:51
Bu gün, fevralın 25-də Demokratiya- 1918 (D18) Hərəkatının üzvləri Ukrayna səfirliyinin önündə aksiya keçirib.
Onlar Rusiya ilə münaqişədə Ukrayna xalqına dəstəklərini ifadə ediblər.
Hərəkat üzvləri bəyanat səsləndirib.
"Rusiya Ukraynanın ərazi bütövlüyünə qəsd edərək ona qarşı açıq müharibəyə başlayıb. Bunun başlanğıc siqnalı olaraq qondarma Donetsk və Luqansk respublikalarının müstəqilliyini tanıdı və bununla da işğalçı siyasətinə start verdi. Rusiya daim qonşu dövlətlərə qarşı istismarçı və işğalçı mövqe nümayiş etdirib və bir neçə il əvvəl qonşu və qardaş Gürcüstanın torpaqlarını işğal edib.
Bizlər imperialist güclərə qarşı birləşməli və onların azadlıq və suverenliyimizə müdaxiləsinə imkan verməməliyik. Rusiya dövləti işğalçı siyasətindən əl çəkməli, Ukraynanın ərazi bütövlüyünü tanımalı və silahlı qüvvələrini ölkədən çıxarmalıdır.
Ukrayna hazırda ərazi bütövlüyü uğrunda fəal mübarizə aparır və bizlər Demokratiya 1918 Hərəkatının təmsilçiləri olaraq dost və qardaş Ukrayna xalqı ilə həmrəy olduğumuzu bildirir və onlara ən səmimi hisslərlə dəstəyimizi ifadə edirik!", deyə bəyanatda qeyd olunub.
Aksiyanın sonunda iştirakçılar "Slava Ukraine" şüarını səsləndirib və insidentsiz başa çatıb.
Ləman Qasımova
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
Cəmiyyət 17:19
Azərbaycanda 7 yaş və daha yuxarı şagirdlər üçün “mygov” platformasında ayrıca fərdi hesabların yaradılması nəzərdə tutulur
Foto
Video
