• $
  • €
  • ₽
  • ₺
  • £

“Sovetski”dən xəbər var

“Sovetski”dən xəbər var
02.05.2014 10:31
Bakının “Sovetski” məhəlləsində etirazlar səngiyib. İlk günlərdə keçirilən izdihamlı mitinqlərin ardınca hökumət rəsmiləri ilə aparılan dialoq aksiyaların dayanmasına səbəb olub. Əhaliyə təklif edilən kompensasiyaların məbləği mənzilin hər kvadratmetri üçün 1500 manatdan o yana keçməyib.Camaat isə mənzilin hər kvadratına görə kompensasiyanın məbləğinin 2500-3500 manatdan hesablanmasını tələb edirdi. Artıq aksiyalar dayanıb, bu tələb arxa plana keçib, təyin olunan 1500 manat isə dəyişməyib. Yasamal Rayon İcra Hakimiyyətinin (RİH) son məlumatında qeyd olunur ki, bu günə qədər 674 razılaşma protokolu əldə edilib, 646 nəfərin isə bank hesabına vəsait köçürülüb, 56 mənzil isə sökülüb.Başqa bir məlumatda isə deyilir ki, “Sovetski”də mənzili 12-14 kvadratmetr olanlar üçün şəhərdən aralıda yeni evlər tikiləcək. Yerli sakinlərin arasında gəzən söz-söhbətə görə, metronun “Koroğlu” stansiyası ətrafında tikilən binalarda onlara evlər verilə bilər. Yasamal Rayon İcra Hakimiyyətində yaradılan komissiya bununla bağlı Nazirlər Kabineti ilə müzakirələr aparacaq.Həmin müzakirələrin mayın 15-nə kimi başa çatacağı gözlənilir. Verilən qərara əsasən isə “Sovetski”də mənzilləri 20 kvadratmetrdən az olan vətəndaşlara yeni evlər veriləcək. Mənzilinin kvadratmetri bundan çox olan evlərin sahibləri isə 1500 manatdan pullarını alacaqlar.Ancaq bu, inandırıcı görünmür. Sakinlərin sözlərinə görə, tək-tük adamlar evlərindən çıxmağa razılıq veriblər. Onlar da torpaq alıb ev tikmək istəyənlərdir. Kütləvi şəkildə köç yoxdur.Yasamal rayonundan deputat olan Ülvi Quliyev son vəziyyət haqda “Yeni Müsavat”a danışarkən qeyd etdi ki, təzminatın dəyərində heç bir dəyişiklik olmayıb.Deputatın sözlərinə görə, köçmək istəyənlərin sayı çoxdur və onun özünə də saysız-hesabsız müraciətlər var: “Həmçinin komissiyaya müraciətlər olur. Bütün bu müraciətləri qısa müddətdə həll etmək çətindir. Müraciət edənlər onlara 1500 manatdan kompensasiya verilməsi ilə razılaşıblar və könüllü şəkildə köçmək istəyirlər. Hazırda proses gedir və müraciətlərə baxılır”.Deputat köçmək istəməyənlərin olduğunu da söylədi: “Kim köçmək istəmirsə və kompensasiyanın məbləği ilə razılaşmırsa, heç bir məcburiyyət yoxdur, öz mənzillərində yaşayırlar. Hamının razı salınması üçün çalışırıq”.Ü.Quliyev az kvadratlı mülk sahiblərinə şəhərdən kənarda evlərin tikilməsi planının olmadığını dedi: “Hələlik belə məsələ yoxdur. Kvadratı az olanlar üçün kompensasiyaların artırılması da nəzərdə tutulmayıb. Sadəcə, onların sənədsiz tikilmiş mülkləri, tikililəri də hesablanır, təzminat ödənilir. Bu da müsbət cəhətdir”. ANN.Az
Youtube
Keçid et
Oxşar xəbərlər
Oxşar xəbərlər
Sabah hava meteohəssas insanlar üçün əlverişsiz olacaq
Cəmiyyət 18:06
Sabah hava meteohəssas insanlar üçün əlverişsiz olacaq
Magistral yollarda görünüş məsafəsi məhdudlaşacaq
Cəmiyyət 17:43
Magistral yollarda görünüş məsafəsi məhdudlaşacaq
Gəncədə yol qəzası baş verib, xəsarət alanlar var
Cəmiyyət 13:30
Gəncədə yol qəzası baş verib, xəsarət alanlar var
Sabah Bakıya yağış, dağlıq ərazilərə qar yağacaq
Cəmiyyət 12:38
Sabah Bakıya yağış, dağlıq ərazilərə qar yağacaq
Azərbaycan vətəndaşlarının İordaniyaya vizasız rejimi tətbiq edilib
Cəmiyyət 12:01
Azərbaycan vətəndaşlarının İordaniyaya vizasız rejimi tətbiq edilib
Astarada yol qəzası nəticəsində qaz xətti zədələnib, beş kənddə qaz kəsilib
Cəmiyyət 11:45
Astarada yol qəzası nəticəsində qaz xətti zədələnib, beş kənddə qaz kəsilib
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Cəmiyyət 10:59
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Qazaxda iki nəfər bıçaqlanıb
Cəmiyyət 10:54
Qazaxda iki nəfər bıçaqlanıb
İranda 4,5 maqnitudalı zəlzələ baş verib, Naxçıvanda hiss olunub
Cəmiyyət 10:00
İranda 4,5 maqnitudalı zəlzələ baş verib, Naxçıvanda hiss olunub
Anews TV

Rəsmi Youtube kanalımız

Abunə ol