Kiyevdə ölən azərbaycanlı barədə DETALLAR

Martın 27-də Ukraynanın paytaxtı Kiyevin müdafiəsi zamanı azərbaycanlı Elnur Həsənov ("Alik”) həlak olub. Bu barədə "Karpat Seçi” könüllü dəstəsinin feysbuk səhifəsində məlumat yayılıb.

29 yaşlı Elnur Həsənov snayper qrupunun komandiri olub, həmçinin İkinci Qarabağ müharibəsində də iştirak edib.

Azərbaycanlı Rusiyanın Ukraynaya hücumunun ilk günlərindən döyüşlərə qatılıb. Dəstənin rəsmi səhifəsində onun sözləri də qeyd olunub.

 

"Qadınların, uşaqların, qocaların necə öldüyünü görəndə mən onları qorumalıyam. Şər hansı ölkədədirsə, hər bir insan özünü o pislikdən qorumalıdır”, o bildirib.

Həsənov İrpendə Rusiya qüvvələrinin mövqelərinin kəşfiyyatı zamanı "Karpaet Seçi”nin könüllüsü David Qoberqişvili ilə birlikdə öldürülüb. Onlar minaatan mərmisinin qəlpəsindən aldıqları yara nəticəsində həlak olublar.

"Eşq olsun Elnur Həsənova! Yaşasın Azərbaycan! Yaşasın Ukrayna!”, - səhifə əlavə edib.