Prokuror olmaq istəyənlərin NƏZƏRİNƏ!

Prokurorluq orqanlarına qulluğa qəbul olunmaq arzusunda olan şəxslər üçün Baş Prokurorluq tərəfindən 50 ştat vahidi üzrə növbəti müsabiqə elan edilir.

Bu barədə Baş Prokurorluğun Mətbuat xidmətindən  verilən məlumatda bildirilib.

Azərbaycan Prezidentinin 19 iyun 2001-ci il tarixli Fərmanı ilə təsdiq edilmiş "Prokurorluğa işə qəbul olunmaq üçün namizədlərlə müsabiqə keçirilməsi qaydaları haqqında” Əsasnamənin tələblərinə müvafiq olaraq, 2002-ci ildən başlayaraq Dövlət İmtahan Mərkəzi ilə əlaqəli şəkildə, dövlət qurumları, vətəndaş cəmiyyəti təsisatları və beynəlxalq təşkilatlar, eləcə də kütləvi informasiya vasitələri nümayəndələrinin iştirakı ilə prokurorluq orqanlarına işə qəbulla əlaqədar keçirilmiş 23 müsabiqə keçirilib.

Müsabiqələrdə üzrə uğur qazanmış gənc hüquqşünaslar hazırda prokurorluq işçilərinin 83.9 faizini təşkil edir.

Qulluğa qəbul olunmuş işçilərin böyük əksəriyyəti yuxarı təsnifat vəzifələrə irəli çəkilmiş və hazırda onların bir hissəsi rəhbər vəzifələrdə çalışır.

Daha ətrafll məlumat üçün: //genprosecutor.gov.az/az/post/5069

www.anews.az