Bəxtiyar Hacıyev Blinkenin müavini ilə görüşdü

"Bu gün Azərbaycanda səfərdə olan ABŞ Dövlət Katibi A. Blinkenin köməkçi müavini Kara McDonald ilə təxminən bir saatlıq görüşüm oldu. Görüşdə regionda baş verən hadisələr, ölkədə ümumi və ayrı-ayrı fəalların, jurnalistlərin, müxtəlif qrupların qarşılaşdıqları insan hüquqları sahəsindəki problemlər haqqında geniş, açıq və səmimi müzakirə getdi, Bayden administrasiyasının gələcəkdə atmasını gözlədiyimiz addımlarla bağlı geniş fikir mübadiləsi apardıq. Xanım diplomat ABŞ prezidenti Baydenin demokratiya və insan hüquqları məsələlərinin xarici siyasətdəki yeri ilə bağlı mövqeyini paylaşdı. Sonra qarşılıqlı maraq doğuran mövzularda söhbət davam etdi. Bu görüşə görə bu gün Brüsselə olan səfərimi bir gün ertələmişdim, digər görüşlər kimi formal, görüş xatirinə keçirilən görüş yox, əhatəli və məzmunlu, səmimi və açıq söhbət olmasına görə səfəri ertələməyimə məyus olmadım", - o bildirib.