Sevinc Məhərrəmovanı öldürən 15 il həbs verildi

2021-ci il avqustun 3-də paytaxtın Zirə qəsəbəsində baş verib. 25 yaşlı Sevinc Məhərrəmova özündən 18 yaş böyük əri tərəfindən öldürülüb.

Füzuli Qarayev arvadının onunla mübahisə etdikdən sonra qonşusu Röyal Hüseynovun evinə sığındığını bilib. Oraya gedərkən küçədə Röyal Hüseynovu və onun yanında fəhlə işləyən Ramil Bəşirovu bıçaqlayıb. Daha sonra evə daxil olaraq arvadı Sevinc Məhərrəmovanı çoxsaylı bıçaq xəsarətləri ilə qətlə yetirib.

Qətlə yetirilən 1997-ci il təvəllüdlü Sevinc Məhərrəmova 2020-2021-ci illərdə bir neçə dəfə polisə şikayət edib, ərinin onu döydüyünü bildirib.

Zərərçəkmiş tərəfin vəkili Zibeydə Sadıqova hökm elan olunmazdan öncə çıxışında deyib ki, bu qətl hadisəsinin baş verməsinin səbəbi dövlət orqanlarının biganəliyidir.

Bir qrup ictimai fəal qadının evinin qarşısına gedərək onun övladlarının özünə qaytarılması ilə bağlı müraciət etmişdilər.

 

Qarayev məhkəmədə ifadəsində ailəsində yaşananlara görə, feministləri günahlandırmışdı. O, iddia edirdi ki, Sevinc Məhərrəmova öz xalası qızı vasitəsilə feministlərə qoşulandan sonra ailədə ciddi problem yaranıb, evdən tez-tez çıxıb gedib.

"Özü də mənə etiraf etdi ki, onu öyrədirlər. Deyirlər ki, sən onun üçün uşağa baxansan? Şikayət elə, əvvəl-axır tutacaqlar, sən də alimentini alacaqsan, sosial alacaqsan, öz həyatını yaşayacaqsan...”, - o deyib.

Məhkəmədə səslənən fikirlərə, hələlik, nə sözü gedən qurumların, nə də Sevinc Məhərrəmovanın yaxınlarından münasibət almaq mümkün olub.