Bakıda aksiya keçirilir

"Müdafiə Xətti” təşkilatının üzvləri məhkəmələrə buraxılmamalarından şikayətçi olduqlarını bildiriblər. Onlar açıq və ədalətli məhkəmə tələbilə çıxışlar ediblər.

 

"Müdafiə Xətti" hüquq müdafiə təşkilatı iyulun 1-də Məhkəmə-Hüquq Şurasının binası qarşısında etiraz aksiyası keçirəcəyi barədə qərar qəbul edib. Bu barədə Hüquq müdafiə təşkilatının icraçı direktoru Rüfət Səfərov məlumat yayıb.

"Məhkəmələrin xüsusilə siyasi yüklü mühakimələri məzhəkəyə çevirmələri azlıq edirmiş kimi "açıq tamaşaları" bağlı elan edirlər, işlərin icraatı qapalı aparılır. Hüquq müdafiəçilərini, media mənsublarını, vətəndaş cəmiyyəti fəallarını məhkəmə zallarına buraxmırlar. Ümumiyyətlə, bir qayda olaraq, vəkillərdən və təqsirləndirilən şəxslərin ailə üzvlərindən savayı kimsəni prosesə buraxmırlar" , o qeyd edib.