Sovet liderləri nə qədər maaş alırdı?

Vladimir Lenin - Arxiv sənədlərinə görə, Sovet dövlətinin ilk başçısı Vladimir İliç Lenin 500 rubl maaş alıb. Belə görünə bilər ki, Xalq Komissarları Sovetinin rəhbərinin maaşı çox az olub. Lakin bu, Leninin yeganə gəlir mənbəyi deyildi. O, kitablara, məqalələrə və nəşrlərə görə qonorarlar da alırdı. Bundan başqa, Fəhlə və Kəndlilərin Müdafiə Şurasının rəhbəri vəzifəsinə, həmçinin Ümumrusiya Mərkəzi İcraiyyə Komitəsinə üzv olduğuna görə də müavinət alırdı. 1919-cu ilin sentyabrında Vladimir İliç gəlir hesabatında bir il ərzində 27049 rubl qazandığını göstərib. 

İosif Stalin - Siyasi karyerasının başlanğıcında, keçən əsrin 20-ci illərində İosif Vissarionoviç rəsmi açıqlamalarda deyildiyi kimi 225 rubl maaşla kifayətlənirdi. 1930-cu ilə qədər o, artıq 500 rubl alırdı. 1936-cı ildə lider özü baş katibin maaşını 1200 rubla qaldırdı və bu, ölkədə ən böyük rəsmi maaş idi.
1947-ci ilin pul islahatı yenidən hesablamaya səbəb oldu və Stalin 10 min rubl almağa başladı. Bu zaman SSRİ-də orta əmək haqqı min rubl idi. 

Nikita Xruşşov - Nikita Sergeyeviç Xruşşov Sovet İttifaqı Kommunist Partiyası MK Baş katibi olanda maddi vəziyyətindən şikayətlənib. O, partiya funksioneri olandan daha çox çilingər kimi maddi vəziyyətinin daha yaxşı olduğunu söyləməyi xoşlayırdı. Buna baxmayaraq, onun aylıq maaşı 8 min rubl olub. Təbii ki, bu, Stalinin 10 mini deyildi. 1961-ci il islahatı ölkədə birinci şəxsin maaşını dəyişdirdi və Xruşşov 800 rubl almağa başladı.

Mixail Qorbaçov - SSRİ-nin ilk və son Prezidenti, 1990-cı il yanvarın 20-də törədilmiş Bakı qırğınının səbəbkarı Mixail Qorbaçov SSRİ tarixinin ən böyük rüşvətxoru kimi yadda qalıb. İttifaq dağılana qədər Qorbaçovun maaşı 3000 rubla qədər artırılmışdı.

Yuri Andropov - Baş katib olan Yuri Vladimiroviç Andropov vəzifəsinə görə yenidən 800 rubl təvazökar əmək haqqını qaytardı. Ancaq o, hələ də yoxsulluq içində yaşamırdı, çünki hər ay nəşr olunan kitablara görə 12 min rubla qədər qonorar alırdı.(qafqazinfo)

www.anews.az