Rusiya növbəti 100 ildə qaz ehtiyatları ilə təmin olunur

Rusiya Federasiyası 100 il qabaqda qaz ehtiyatları ilə təmin edilir, bəzi yataqlar işləməyə davam edəcək. Bu barədə TASS "Qazprom”un rəhbəri Aleksey Millerə istinadən məlumat yayıb.

Millerin fikrincə, Rusiya 2120-ci ildə qaz tədarük edə biləcək.

"İstehlakçılarımız etibarlı enerji resursuna çıxış əldə edəcəklər. Xüsusilə qeyd etmək lazımdır ki, daxili bazarda istehlakçılar ölkənin qaz gələcəyinə nikbinliklə baxmaq üçün əla imkanlara malikdirlər”, - Rusiya şirkətinin rəhbəri izah edib.

Millerin əlavə etdiyi kimi, uzun illər işləyə və ölkəni qazla təmin edə biləcək bir sıra yataqlar haqqında məlumatlar var.

İtaliyanın "Eni” enerji şirkəti çərşənbə günü, avqustun 31-də "Qazprom”dan təxminən 7 milyon kubmetr az qaz alacağını bildirib.

Fransa da Rusiya yanacağının tədarükündə çətinliklərlə üzləşib.

www.anews.az