Bəzi dərmanlar 2 manat olduğu halda 200 manata satılır- DEPUTAT

Azərbaycanda bəzi dərmanların qiyməti 2 manat olduğu halda 200 manata satılır. Bunu Milli Məclisin bu gün keçirilən iclasında deputat Rüfət Quliyev "İcbari sığortalar haqqında” qanunun müzakirəsi zamanı çıxışında deyib.

 

"Hazırda adrenalin adlı dərman 2 manata olduğu halda satışdan çıxarılıb. Bəzi yerlərdə satış qiyməti isə 200 manatdır. Həkimlər bu dərman səbəbindən onlarla əməliyyatı dayandırıb. Bundan başqa natrixlor və qlükoza da apteklərdən yoxa çıxıb. Bir az araşdırdım və öyrəndim ki, bu Azərbaycana Ukraynadan gətirilir. Təklif edirəm ki, bu dərmanların Türkiyədə satışı olduğu halda təcili bu problem həll olunsun”, - deputat bildirib.

 

Rüfət Quliyev onu da əlavə edib ki, İcbari sığortalnı  yeni fəaliyyətə başlayanda tənqid edənlərdən biri olub və hazırda qurumun fəaliyyətindən razıdır.

 

"İcbari sığorta haqqında" qanun layihəsi ikinci oxunuşda səsverməyə qoyularaq qəbul edilib.

 

Gülnar