Bu xəstəlik icbari tibbi sığortaya cəlb oluna bilər

İcbari Tibbi Sığorta üzrə Dövlət Agentliyi onkoloji xəstələriklərin müalicəsini  icbari tibbi sığortaya cəlb etmək məqsədi ilə  Respublika Onkoloji Mərkəzi ilə danışıqlar aparır. Bunu Agentliyin İdarə Heyətinin sədri Zaur Əliyev bildirib. 

 

"Hazırda onkoloji xəstəliklərin icbari tibbi sığorta hesabına ödənişini təşkil etmək məqsədilə  Respublika Onkoloji Mərkəzlə iş aparırıq. Bizə bu xəstəliklərin müalicəsi üçün nə qədər vəsaitin tələb olunduğunu müəyyən etmək lazımdır. İlkin hesablamaya görə bu 200 milyon manat edir. Rəqəm dəqiqləşəndən   ilə onkoloji xəstəliklərin sığortaya cəlb edlməsi ilə bağlı qərar verəcəyik",  -  Zaur Əliyev Milli Məclisdə "2023-cü il üçün Dövlət büdcəsi layihəsi"nin  müzakirəsi zamanı bildirib. 

 

Azərbaycanda Tibbi Sığorta 2021-ci ildən tətbiq edilir. Onkoloji xəstəliklər sığortaya cəlb olunmur. 

 

2023-cü lin dövlət büdcəsində onkoloji xəstəliklərin müalicəsi üçün 42 milyon manat vəsaitin ayrılması nəzərdə tutulub.