Azərbaycanlı iş adamı Dubay hava limanında saxlanılıb? - Rəsmi açıqlama
17.02.2023 20:54
Ötən gün Azərbaycan vətəndaşı, biznesmen Xəyyam Səfərli Dubay hava limanında saxlanılıb.Bu haqda "haqqin az" saytı yazıb.
Bildirilib ki, iş adamı saxlanılmazdan bir qədər sonra məsələ ilə bağlı öz instaqram hesabında paylaşım edib.
Xəyyam Səfərli hər hansı səbəb olmadan saxlanılıb, onun iş vizası isə ləğv olunub.
Sayt yazır ki, Birləşmiş Ərəb Əmirliklərində yüzlərlə digər Azərbaycan vətəndaşına qarşı da oxşar addımlar atılır. Azərbaycanın BƏƏ-dəki səfirliyindən sayta verilən məlumata görə, diplomatik nümayəndəlik Xəyyam Səfərli ilə bağlı yaranmış insidentlə əlaqədar BƏƏ-nin Xarici İşlər Nazirliyinə nota göndərib.
Xarici İşlər Nazirliyinin verdiyi məlumata görə, Azərbaycan vətəndaşlarına Birləşmiş Ərəb Əmirlikləri tərəfindən kütləvi şəkildə giriş vizasının rəsmiləşdirilməsində çətinliklər yaradıldığı, Azərbaycan vətəndaşlarına giriş qadağaları qoyulduğu barədə xəbərlər həqiqəti əks etdirmir.
Nazirlik bildirib ki, iş adamının saxlanması ilə bağlı məsələ araşdırılır.
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Foto
Video
