ABŞ Ermənistanla Azərbaycan arasında davamlı sülhün əldə olunacağına inanır

Miller əlavə edib ki, Amerika tərəfi istər Vaşinqtonda, istər keçən ay olduğu kimi, istər Brüsseldə, istər bir neçə həftə əvvəl olduğu kimi, istərsə də dünyanın istənilən yerində bu danışıqları dəstəkləyir. "Əsas odur ki, bu iki tərəf bir-biri ilə əlaqə saxlamağa davam etsin", - Dövlət Departamentinin nümayəndəsi yekunlaşdırıb.

 

Mayın 14-də Paşinyan və Əliyev Avropa Şurasının rəhbəri Şarl Mişelin iştirakı ilə danışıqlar aparıb. Brüsseldəki görüşdən sonra Mişel bildirib ki, respublikaların rəhbərləri sərhədlərin delimitasiyası üzrə dialoqu bərpa etməyə razılaşıblar və iyulda Brüsseldə yeni danışıqlar aparmaq niyyətlərini bəyan ediblər. Ermənistan XİN-in məlumatına görə, Avropa İttifaqı Şurasının rəhbərinin iştirakı ilə Ermənistan və Azərbaycan liderlərinin növbəti görüşü iyunun 1-nə planlaşdırılıb: Kişinyovda, Avropa Siyasi Birliyinin sammiti çərçivəsində Əliyev, Paşinyan və Mişel Almaniya kansleri Olaf Şolz və Fransa prezidenti Emmanuel Makronla danışıqlar aparacaq.

 

Azərbaycan Xarici İşlər Nazirliyi mayın 14-də Brüsseldə keçirilən danışıqları Bakı ilə İrəvan arasında münasibətlərin normallaşması baxımından faydalı adlandırıb. Diplomatik departament iclasda dövlətlərin ərazi bütövlüyünə hörmətlə bağlı təsdiqin "müstəsna əhəmiyyətini”, "Ermənistan tərəfindən Azərbaycanın beynəlxalq səviyyədə tanınmış ərazi bütövlüyünün bu kontekstdə qəbul edilməsini” vurğulayıb. Nazirlik həmçinin Bakının Azərbaycan və Ermənistan arasında münasibətlərin normallaşdırılması istiqamətində irəliləyişə töhfə vermək məqsədilə beynəlxalq tərəfdaşlarla dialoqu və qarşılıqlı fəaliyyəti davam etdirməyə hazır olduğunu bəyan edib.

Mayın 25-də Rusiyada Ermənistan və Azərbaycanın üçtərəfli görüşü baş tutacaq. 

 

Gülnar Nazimqızı