Azərbaycanda vəkil çatışmazlığının səbəbi nədir? - ŞƏRH

2018-2022-ci illər arasında keçirilən 10 yazılı test imtahanlarının nəticəsində 1303 nəfər ixtisas imtahanlarını müvəffəqiyyətlə başa vuraraq icbari təlimə cəlb olunmuşdur. Bu gün Azərbaycanda vəkillərin sayı 2323 nəfərdir. Bunu Vəkillər Kollegiyasının sədri Anar Bağırov deyib.  
"Əlbəətki iş staj tələbi hüquqşünasların qarşısında duran maneələrdən biridir. Çünki, bu staji harada əldə etmək məsələsi var. Ona görə də, mən vəkillik sistemində stajın aradan götürülməsinin tərəfdarıyam. Əvvəllər çoxlu müəssisələr var idi, həm dövlət müəssisələri, həmdə özəl müəssisələr. Onların da hər birində hüquq şöbələri var idi. İnsanlar orada gedib işləyərək müəyyən təcrübə yığa bilirdilər. İndi isə çox təəssüf ki, müəssisələrin böyük əksəriyyətində hüquqşünaslar yoxdur, ümumiyyətlə hüquq ştatları yoxdur. Bunun da səbəbi dövlət kommersiya şirkətlərinin sayının az olması, özəl şirkətlərin isə hüquqşünas ştatına biganə olmasıdır. Bir müddət əvvəl məhkəmə-hüquq sistemində tağşırıqla qərarların qəbul olunması, xüsusilə də korrupsiyanın çox geniş yayıldığı bir vaxtda vəkilə bir o qədər də ehtiyac olmurdu. Məsələlər rüşvətlə həll olunduğuna görə, hakim özü həm də vəkillik edirdi. Son iki-üç ildə isə məhkəmədə, istintaqda, hüquq-mühafizə orqanlarında korrupsiyanın, tapşırıqların səviyyəsi aşağı endikcə vəkillərə ehtiyac artır. Vəkillik fəaliyyətinin imicini qaldırmaq üçün hüquq-məhkəmə sistemində korrupsiya və tağşırıqlar aradan tamamilə qaldırılmalıdır. Bu addımlar atıldığı halda, mən əminəm ki, yaxın dörd-beş ildə vəkillik Azərbaycanda artıq xarici ölkələrlə rəqabətə girəcək səviyyədə olacaq”, - o deyib.
 
Vəkil Elçin Sadıqov bildirir ki, Vəkillər Kollegiyası vəkillərə  müstəqil fəaliyyət göstərmək imkanı yaratmır.
 
"2018-ci ildə nümayəndəlik institutu ləğv olundu. Həmin dövrə qədər hüquqşünaslar hüquq xidməti göstərə bilirdilər və onlar bununla bağlı lisenziya da ala bilirdilər. Lakin bundan sonra onlar hüquq xidməti göstərə bilmədilər və bu yalnız vəkillərə həvalə olundu. Vəkillərin sayı isə əhali sayına nisbətdə çox azdı. Ona görə Azərbaycan vəkilərin sayına görə, sayı ən az ölkələr siyahısındadır. Bunun səbəbi həm üç illik staj məsələsi, həm də vəkillər kollegiyasının qəbul şərtlərinin çətin olmasıdır. Həmçinin Vəkillər Kollegiyası vəkillərə  müstəqil fəaliyyət göstərməy imkanı yaratmır. Ona görə də vəkillərə qarşı olan təqib aradan qaldırılmalı və onlara müstəqillik verilməlidir. Eyni zamanda imtahanların şərtləri yüngülləşdirilməlidir və 3 illik staj məsələsi 1 ilə endirilməlidir, yaxud da ləğv olunmalıdır. Şifahi imtahan isə həm hakimlik, həm də vəkillikdə ləğv olunmalıdır. Çünki, bu, gərəksizdir və sovet dövründən qalma bir sistemdir”, - Sadıqov vurğulayıb.
 
"Bölgələrdə vəkil problemi işsizliklə bağlı bir problemdir. Yəni vəkillər bölgələrdə yaxşı qazanc əldə edə bilmədiyinə görə, ora üz tutmurlar. Bakı şəhərində olan bir vəkil daha çox qzanır, nəinki rayonda çalışan. Ona görə də əksəriyyət Bakıda məskunlaşdığı üçün , rayonlarda bu cür vəkil çatışmazlığı problemi yaranır. Həmçinin bölgələrdə Bakıya nisbətən problemlər də az olur. Bakıda əhali çox olduğuna görə, vəkilə müraciət edənlərin sayı da çox olur. Məncə imtahanla bağlı narahatlıq olmamalıdır. Vəkil olmaq istəyən şəxslər həm test, həm də şifahi imtahan verməlidirlər. Çünki, vəkillik elə bir sahədir ki, gərək bütün qanunvericiliyi biləsən. Ona görə də şifahi imtahanların keçirilməsi qaydasında hər-hansı bir dəyişikliyə ehtiyac duymuram”, - vəkil bildirib.
 
Vəkil Nemət Kərimli isə vəkilliyə marağın az olduğunu düşünür.
 
 
 
 
 

www.anews.az