Dövlət Komitəsinə zorakılıqla bağlı edilən müraciətlərin sayı açıqlanıb

2022-ci ildə Ailə, Qadın və Uşaq Problemləri üzrə Dövlət Komitəsinə məişət zorakılığı ilə bağlı 544 müraciət daxil olub. Zorakılıq törədənlərin 470 nəfəri kişi, 79 nəfəri isə qadın olub. 

 

Human Rights Watch təşkilatının hesabatına görə, Azəbaycanda öncəki iki il ərzində qadınlara qarşı 14 975 cinayət faktı qeydə alınıb.  

O cümlədən, qadınlara qarşı zorakılıqla bağlı 6091 iş (2019-cu ildə - 2269, 2020-ci ildə - 2067 və 2021-ci ilin ilk 9 ayında - 1755 hal qeydə alınıb) açılıb, 6 834 cinayətkar  mühakimə olunub (2019-cu ildə - 2 480,  2020-ci ildə  - 2414, 2021-ci ilin yanvar-sentyabrında-  1940).
 
Ümumilikdə, ölkədə qısqanclıq, ailə münaqişəsi və digər məişət problemləri səbəbindən 2955 cinayət törədilib (2019-cu ildə - 1026,  2020-ci ildə - 973 və 2021-ci ilin yanvar-sentyabrında - 956).
 
Amnesty International təşkilatı da 2022-ci ilin noyabrında CESCR qadınlara qarşı gender əsaslı zorakılığın yüksək halları və xüsusilə də məişət zorakılığı ilə bağlı hesabatlarında çox aşağı nisbəti və sağ qalanlar üçün sığınacaqların və dəstək xidmətlərinin məhdud olması ilə bağlı narahatlığını qeyd edib.

Eltac Nurullazadə

Gülnar Nazimqızı