Cəriməsini ödəyən vətandaşın borcu nə üçün sistemdən silinmir?- Rəsmi açıqlama
29.08.2023 12:29
Masallının Ürən kənd sakini
Cəfər Baxışov yol polisi tərifəndən ona yazılan cəriməni ödəsə də, onun borcu
sistemdən silinmədiyinə görə şikayət edir. O, bu barədə anews.az-a bildirib.
Şikayətçi bildirir ki, borcunu
ödədiyi haqqında qəbzi polisə təqdim etsə də, polislər ona hələ də sistemdə borc
göstərildiyini bildiriblər.
Cəfər Baxışov deyir ki, hal-hazırda maşını öz əmisi oğluna satıb. Polislər isə onun əmisi oğlunu saxlayaraq cərimənin ödənilməli olduğunu bildirirlər.
Məsələ
ilə bağlı Azərbaycan Respublikası Bakı Şəhər Dövlət Yol Polisi İdarəsinin baş inspektoru, polis mayoru Araz Əsgərli bildirib ki, həmin şəxs cərimənin vaxtı keçdikdən uzun müddət sonra ödədiyi üçün bu hal yaranıb.
"Vətəndaş cəriməni vaxtında ödəmədiyi üçün yenidən protokol açılıb və məhkəmə sürücünün hüququna məhdudiyyət qoyub. Vaxtı keçmiş cərimələrdə sürücü ödənişi edərək, ərazi üzrə məhkəməyə müraciət edə bilər. Bu zaman protokola xitam verilir. Həmin şəxs məhkəmənin qərarından sonra ödəniş etdiyi üçün bu cür hal yaranıb",- mətbuat xidmətindən bildirilib.
Eltac Nurullazadə
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Cəmiyyət 11:03
Sahibkarlardan 200 min manat rüşvət almaqda ittiham olunan vergi əməkdaşlarının işi məhkəməyə göndərilib
Foto
Video
