Təyyarədə ekonom bilet alanlara yemək almağa icazə verilmir - Rüfət Quliyev

 

"Bu yaxınlarda Sank_Peterburqa biznes-klassla uçdum. Maraq üçün ekonom kllasda uçanlara yaxınlaşıb maraqlandım. 250 manata ekonom bilet alanlara nə yemək verilmir, nə də yemək almaq üçün icazə verilmir. 5 saata yaxın insan ac qalır. Bileti bu qiymətə satırsan, heç olmasa imkan yaradılsın ki, yeməyi pulla almaq mümkün olsun", - deputat  oktyabrın 18-də Milli Məclisin İqtisadi siyasət, sənaye və sahibkarlıq komitəsinin iclasında "Aviasiya haqqında" qanuna münasibət bildirərkən  deyib. 

 

Quliyev həmçinin təklif edib ki, regionlarda hava limanları icarəyə verilsin və bunun üçün tender elanları keçirilsin. Deputat vurğulayıb ki, dünyada və qonşu ölkələrdə bu cür təcrübələr müsbət nəticə verib.  

 

 Rəqəmsal inkişaf və nəqliyyat nazirinin müavini Rəhman Hümmətov Quliyevə cavab olaraq bildirib ki, nazirlik iri avaişirkətlərlə görüşlər keçirib və Azərbaycana dəvət edib. 

 

"İri şirkətlər turis axıınına görə fəaliyyətlərini tənzimləyir. Biz iri aviaşirkətlərlə görüşlər keçirmişik. Onları dəvət etmişik. Hətta onlar üçün şərait yaratmağa da hazırıq. SAdəcə turist axının az olması ilə bağlı onlar buna maraqlı deyil. Bura vizasız ölkələrin olması da öz rolunu oynayır", - nazir müavini əlavə edib. 

 

Gülnar Nazimqızı