9 ayda içki və tütünə nə qədər vəsait xərclənib?- STATİSTİKA
27.10.2023 15:01
2023-cü ilin yanvar-sentyabrında Azərbaycana 85 milyon 78 min dollar dəyərində tütün və tütün məmulatları idxal edilib. Bu barədə Dövlət Statistika Komitəsinin hesabatında bildirilib.
Bildirilir ki, cari ilin doqquz ayında Azərbaycanda pərakəndə ticarət şəbəkələrində istehlakçılara 1 milyard 750.7 milyon manatlıq içki və tütün məmulatları satılıb.
Bu dövrdə ölkədə tütün məmulatlarının istehsalı isə 671.2 milyon manat təşkil edib.
Hesabat dövründə əhalinin bir nəfərinə düşən orta aylıq pərakəndə ticarət dövriyyəsi 447,7 manat və ya 2022-ci ilin eyni dövrü ilə müqayisədə nominal ifadədə 56,1 manat çox olub.
Məlumata görə, içki ilə yanaşı qida məhsullarının istehsalında 10,8%, tütünün istehsalında isə 4,6% artım müşahidə olunub.
"Üzüm şərabının istehsalı 42,7 faiz, unlu qənnadı məmulatlarının istehsalı 24,6 faiz, siqaret istehsalı 14%, şəkərli qənnadı məmulatlarının istehsalı 13,2%, meyvə-tərəvəz konservlərinin istehsalı isə 1,6% artıb", - hesabatda qeyd olunub.
Aytac
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
Foto
Video
