Qızılcanın kəskin mərhələsi hansı dövr olduğu açıqlanıb

Qızılcanın ən kəskin mərhələsi səpkilər olan mərhələsində başlayır. Bunu Səhiyyə Nazirliyinin mütəxəssis-eksperti, terapevt Günay İsmayılova deyib. 

 

"Bu virus yüksək yolxuculuğa malikdir. Qızılca kəskin respirator infeksiyaların simptomları ilə oxşarlıq təşkil edir. Kliniki gedişatına görə kataral, səpki və piqmentasiya dövrünə bölünür. Kataral dövr 4-5 gün çəkir. Bu zaman yüksək hərarət, boğaz ağrısı, halsızlıq və digər hallar müşahidə olunur. Səpkilər qırmızı və xırda ölçülü olur və baş-boyun nahiyəsindən başlayaraq digər yerlərə yayılır. Piqmentasiya dövründə artıq səpkilərin qəhvəyi rəngə çevrilir və qabıqlanma dövrü başlayır. Bu proses də təxminən 8-10 gün çəkir. Piqmentasiya dövründə demək olar ki, yoluxucu funksiya daşımır", - o bildirib.

 

Ekspertin sözlərinə görə, qızılca peyvəndi ilə ömürlük bu virusdan qorunmaq olar.

 

"Peyvənd 1 və 6 yaşında iki doza olmaqla vurulur. Qızılca peyvəndinin hər iki dozasını vurmayanlar isə dozalar arasında 4 həftə olmaqla vurdura bilər. Hər iki doza qızılca peyvəndinin vurulması insan orqanizmini 97 % xəstəlikdən qoruyur. Bu o deməkdir ki, bununla qızılcadan ömürlük qorunmaq olar”, - İsmayılova əlavə edib.

 

 
Son 1 ay ərzində ölkədə qızılcadan ölən uşaqların sayı 5 nəfər təsdiqlənib. 
 
Noyabrın 30-da ÜST-ün Azərbaycan nümayəndəliyi əhalini penvənd olunmağa çağırıb. 
 
Ümümdünya Səhiyyə Təşkilatının son statistikasında 2021-ci illə müqayisədə ötən il qlobal miqyasda qızılcaya yoluxma hallarının sayı 18 %, ölüm hallarının sayı isə 43 % artıb.
 
Bildirilib ki, 2021-ci illə müqayisədə ötən il qlobal miqyasda qızılcaya yoluxma hallarının sayı 18 %, ölüm hallarının sayı isə 43 % artıb.
 
Səhiyyə Nazirliyi açıqlama yayaraq qeyd edib ki, epidemioloji vəziyyəti nəzərə alaraq, ölkə ərazisində orta və yaşlı əhalinin profilaktikası məqsədi ilə vaksinasiyası üçün peyvənd (Qızılca-Parotit-Məxmərək) tətbiq olunacaq. 
 
Aygün Mirakif