Ağdamda təməli qoyulan kəndlərdə inşa ediləcək evlərin sayı açıqlanıb
27.12.2023 16:37
Ağdamın Qiyaslı kəndində 656, Salahlı Kəngərlidə 150 və Qərvənd kəndində isə 851 fərdi yaşayış evinin tikintisi planlaşdırılır. Bunu Qarabağ iqtisadi rayonuna daxil olan işğaldan azad edilmiş ərazilərdə Prezidentin xüsusi nümayəndəsinin müavini Bəşir Hacıyev jurnalistlərə açıqlamasında bildirib.
O bildirib ki, fərdi yaşayış evləri 2, 3, 4 və 5 otaqlı olacaq. Bundan əlavə, ərazidə klub icma mərkəzi, inzibati bina, ticarət və iaşə obyektləri kimi qeyri-yaşayış sahəsinin də tikintisi aparılacaq”,- Hacıyev əlavə edib.
Dekabrın 24-də Prezident İlham Əliyev Ağdamın Qiyaslı kəndinin təməlini qoyub.
Kəndin ümumi ərazisi 400 hektara yaxındır. Qiyaslı kəndində 4972 nəfərin məskunlaşması planlaşdırılıb.
Burada məskunlaşacaq əhalinin yaşayış yükünü nəzərə alaraq, məhəllələrin salınmasının birinci mərhələsi üçün 145 hektar torpaq sahəsi ayrılıb. Birinci mərhələdə kəndə 2546 nəfərin köçürülməsi üçün 656 fərdi ev tikiləcək.
Qiyaslı kəndində 540 şagird yerlik məktəb, 180 yerlik isə iki uşaq bağçası və digər sosial obyektlər inşa olunacaq.
Kənddə enerji daşıyıcılarına qənaət etmək məqsədilə alternativ enerjidən istifadə olunacaq.
Aytac Zeynalova
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Foto
Video
