Əziz Orucovun vəsatəti təmin olunmayıb

"Kanal13" internet televiziyasının rəhbəri Əziz Orucovun evə buraxılması ilə bağlı verilən vəsatəti təmin edilməyib. Bu barədə onun həyat yoldaşı Lamiyə Çerpanova məlumat verib.

O bildirib ki, Orucovun işi üzrə Səbail Rayon Məhkəməsinə ev dustaqlığına buraxılması ilə bağlı müraciət olunub.

 

"Bu gün keçirilən məhkəmə iclasında onun müraciəti qəbul olunmayıb"- həyat yoldaşı əlavə edib.

 

Əziz Orucov noyabrın 27-də saxlanılıb. Ona qarşı Cinayət Məcəlləsinin 188.2-ci (Qanunla müəyyən edilmiş mülkiyyət, istifadə və ya icarə hüququ olmadan torpaq sahəsi üzərində özbaşına tikinti) maddəsi ilə cinayət işinin açıldığı, onun şübhəli şəxs qismində saxlandığı bildirilib.

Əziz Orucova qarşı Cinayət Cinayət Məcəlləsinin 188.2 (Mülkiyyət, istifadə və ya icarə hüququ olmadan torpaq sahəsi üzərində özbaşına tikinti və ya quraşdırma işləri aparma) maddəsilə cinayət işi qaldırılıb. 

 

Aytac Zeynalova