Realda su itkilərinin həcmi 48%-dən çoxdur - Deputat

Azərbaycanda su ehtiyatları ilə bağlı ciddi problemlər var. Bunu deputat Asim Mollazadə deyib.
 
"Azərbaycanın su ehtiyatlarının böyük hissəsi xaricdən gəlir. Bu istiqamətdə ciddi işlər görməliyik. Faciələr artıq Orta Asiyada baş verir. Ən böyük faciə göz qarşısındadır. Bu sovetdən bizə qalan problemlərdir. Problem suya qiymət verməməkdir. Su ilə bağlı itkilər kənd təsərrüfatı ilə bağlı deyil. Böyük şəhərlərdə bunu görmək olur. Bakıda su itkiləri 48% göstərilir. Amma realıqda bu daha çoxdur. Bunun qarşısını almaq üçün mövcud planmız olmalıdır. Ermənistan Azərbaycanın bir sıra çaylarını zəhərləyir. Avropa Şurasında bununla bağlı sənəd qəbul olunmuşdu. Bu məsələlərə qayıtmalıyıq. COP29 tədibrində bu əsas müzakirə mövzumuz olmalıdır”, - deputat fevralın 28-də Milli Məclisdə "Ölkənin su təsərrüfatı: problemlər və yeni çağırışlar mövzusunda” dinləmədə çıxışında bildirib. 
 
Deputat vurğulayıb ki, ölkə üzrə içməli suyun monitorinqi ilə bağlı ciddi işlər görülməsinə ehtiyac var.  

www.anews.az