Su filterlərinin kefiyyəti ilə bağlı monitorinq nəticələri yoxdur - Deputat

Bazarda satışa çıxarılan su filterlərinin standartlara nə qədər cavab verilməsi ilə bağlı məlumatlar yoxdur. Bunu deputat Naqif Həmzəyev deyib. 

 

"Azərbaycanda su filterlərindən istifadə geniş yayılıb. Bazarda istənilən qiymətə su filteri satılır. Bu filterlər nə dərəcədə standartalara cavab verir? Bu barədə monitorinq nəticələri yoxdur.. Nəzərə alaq ki, bir çox xəstəliklər məhz sudan yaranır. Filterlərə aldanlaraq təmiz su içirik kimi yanaşma doğru olmaz", - deputat fevralın 28-də Milli Məclisdə "Ölkənin su təsərrüfatı: problemlər və yeni çağırışlar" mövzusunda keçirilən  dinləmələrdə deputatların suallarına cavab verərkən bildirib.

 

Deputat həmçinin Gəncə çayının plansız suvarma səbəbindən quruması risklərini diqqətdə saxlanılması üçün adiyyatı orqanlara müraciət edib. və bildirib ki, bu həmin çayın qurumasının qarşısı alınmalıdır.  

 

 

Gülnar Nazimqızı