Bakıda iki narkoloji xəstəxana tikilir

Bakıda 500 nəfər çarpayılıq iki narkoloji xəstəxana tikilir. Bunu səhiyyə naziri Teymur Musayev deyib.

"Xəstəxanaya istifadəyə verikdikdən sonra çarpayıların sayı artırılacaq və bu sahədə xidmətlərə öz müsbət təsirini göstərəcək",- nazir aprelin 1-də  "Azərbaycanda psixi sağlamlıq və psixi xəstəliklərdən əziyyət çəkən şəxslərin hüquqları” mövzusunda keçirilən dəyirmi masada çıxışı zamanı bildirib.

Martın 5-də  Azərbaycanın İnsan Hüquqları üzrə Müvəkkili (Ombudsman) Səbinə Əliyevaə Milli Məclisdə qurumun 2023-cü il hesabatını təqdim edərkən söyləyib ki, ölkədə narkomaniyaya düçar olan şəxslərin müalicəsi üçün müasir üsullardan istifadə olunmalıdır.

Bundan əvvəl İnsan Hüquqları Komitəsinin üzvü deputat Fazil Mustafa təklif edib ki, narkoloji müalicələr istiqamətində özəl sektorun beynəxalq təşkilatlardan grant alması üçün şərait yaradılmalıdır. Deputat vurğulayıb ki, dövlətin bu müalicəni icra edə bilmədiyi halda özəl sektor üçün yol açmaq vacibdir.

www.anews.az