Hafiz Babalı və Ruslan İzzətli ev dustaqlığına buraxılmayıb

"İzzətlinin həbsdə saxlanması üçün prosessual əsaslar olmadığına görə aprelin 2-də onun ev dustaqlığına keçirilməsi ilə bağlı vəsatət vermişik. Lakin vəsatət təmin edilməyib. Biz bu qərardan apellyasiya şikayəti verdik. Amma bu gün apellyasiya məhkəməsi bu qərarı qüvvədə saxlayıb”, - Cəfərov deyib. 

İzzətli ona qarşı irəli sürülən ittihamları rədd edir.

Toplum TV-nin həmtəsisçiləri Akif Qurbanov, Ələsgər Məmmədli, kanalın əməkdaşları və III Platforma Respublika strukturunun üzvü Ruslan İzzətli məhkəmə tərəfindən 4 ay müddətinə həbs edilib. Onlar Azərbaycan Cinayət Məcəlləsinin 206.3.2-ci (qaçaqmalçılıq) maddəsi ilə ittiham olunurlar.

Bu gün Bakı Apellyasiya Məhkəməsində jurnalist Hafiz Babalanın ev dustaqlığına buraxılması ilə bağlı şikayətə də baxılıb.

Hakim David Babayevin sədrliyi ilə keçirilən iclasda Xətai Rayon Məhkəməsinin hökmü qüvvədə  saxlanılıb.

Hafiz Babalıya qarşı Azərbaycan Cinayət Məcəlləsinin 206.3.2-ci (qaçaqmalçılıq, bir qrup şəxs tərəfindən qabaqcadan əlbir olaraq) maddəsi ilə ittiham irəli sürülüb.

 

Hafiz Babalı Turan İnformasiya agentliyinin müxbiridir.