DİN Qarabağda çalışanlara müraciət edib

Daxili İşlər Nazirliyi işğaldan azad olunmuş ərazilərdə çalışan şəxsləri ictimai təhlükəsizlik qaydalarına ciddi əməl etməyə çağırır. Bu barədə DİN mətbuata yaydığı açıqlamada deyilir. 
 
"Bölgədə abadlıq, tikinti, quruculuq işlərinə cəlb edilən şəxslərdən xahiş edirik ki, silah-sursat, partlayıcı maddələrə, şübhəli əşyalara rast gəldikdə, aşkarladıqda DİN-in 102 Zəng Mərkəzinə, yaxud ərazidə xidmət aparan polis əməkdaşlarına məlumat versinlər. Hərbi təyinatlı əşyalara mülki şəxslərin toxunması həyat və sağlamlığa təhlükə yaratmaqla yanaşı, həmin əşyaları götürmək, daşımaq, saxlamaq, başqasına vermək cinayət məsuliyyətinə səbəb olur", - məlumatda deyilir. 
 



www.anews.az