Əliməmməd Nuriyev seçkilərdə iştirak etməkdən imtina edib

"Konstitusiya” Araşdırmalar Fondunun prezidenti Əliməmməd Nuriyev sentyabrın 1-də keçiriləcək növbədənkənar parlament seçkilərində iştirak etməkdən imtina edib. Bu barədə Nuriyev öz sosial hesabında paylaşım edərək bildirib.  

 

"Əziz dostlar 75 sayı seçki dairəsində seçki yarışını davam etdirməməyə qərar verdim", - o paylaşımında yazıb. 

 

Nuriyev 75 saylı Yardımlı-Masallı seçki dairəsindən namizəd olmacağını açıqlamışdı və bildirmişdi sənədlərini artıq Seçki Dairəsinə təqdim edib. 

 

Hazırda 75 saylı Yardımlı-Masallı seçki dairəsindən seçilən deputat Musa Qasımlıdır. 

 

Musa Qasımlı  Milli Məclisinin IV, V, VI çağırış deputatı olub. 
 
Azərbaycanda növbədənkənar parlament seçkiləri sentyabrın 1-nə təyin edilib. Prezident bir müddət öncə Parlamentin buraxılması və növbədənkənar seçkilərin təyin edilməsi ilə bağlı sərəncam imzalayıb. 
 
Gülnar Nazimqızı