Şumaxerdən pis xəbər

Həkimlər xizəklə sürüşərkən yıxılan və hazırda komada olan əfsanəvi "Formula 1" pilotu Mixael Şumaxerin vəziyyəti ilə bağlı açıqlama veriblər.

Trend Türkiyənin "Sabah" qəzetinə istinadən məlumat verir ki, həkimlər M.Şumaxerin vəziyyətinin son 3 həftə ərzində yaxşılaşmadığını və bundan sonra yaxşılaşma şansının az olduğunu deyiblər.

Açıqlamada qeyd olunur ki, bu saatdan sonra idmançının yaxşılaşma şansı az ehtimal olunur: "Nəzəri cəhətdən bu mümkündür, lakin bu vaxta qədər belə bir hala rast gəlinməyib.

Qeyd edək ki, ötən il dekabrın 29-da Fransanın Meribel kurort şəhərində xizəklə sürüşən M.Şumaxer yıxılaraq ağır kəllə beyin travması almışdı. Alman pilot 45 yaşını Qrenobldakı hospitalda komada "qeyd etmişdi".

ANN.Az